Angliya Premyer-Ligasining Twitter’dagi sahifasi Londonning “Chelsi” klubiga oid faktni chop etdi. Unda qayd etilishicha, klub Rojdestvoni karvonboshi sifatida qarshi olsa, o‘sha mavsumni chempion sifatida yakunlagan.
2014-15 🏆
— Premier League (@premierleague) December 15, 2016
2009-10 🏆
2005-06 🏆
2004-05 🏆
Chelsea won the #PL on each of the four previous occasions they were top at Christmas. pic.twitter.com/01KfVX4E5P
1905-yilda tashkil etilgan “Chelsi” hozirga qadar 5 bor mamlakat chempionligini qo‘lga kiritgan bo‘lib, shularning 4 tasi so‘nggi 12 yil ichida kuzatilgan.
Qiziq tomoni, 2004/05, 2005/06, 2009/10 va 2014/15-yilgi mavsumlarda “Chelsi” Rojdestvoga qadar turnir jadvalida 1-o‘rinda bo‘lgan va yakunda ham yetakchilikni hech kimga bermagan.
Sir emaski, Rojdestvo 25-dekabrda kirib keladi. 17-dekabr kuni Angliya Premyer-Ligasi jamoalari 17-tur doirasida maydonga tushadi, 18-tur esa 26-dekabr sanasiga tayin qilingan.
Chempionatning 16-turidan keyin “Chelsi” eng yaqin ta’qibchilari bo‘lgan “Liverpul” hamda “Arsenal”ni 6 ochkoga ortda qoldirayotgani inobatga olinsa, 17-turni qanday yakunla ham Rojdestvoni 1-o‘rin bilan qarshi olishi oydinlashadi.
Ma’lumot uchun, “Chelsi” 17-turni “Kristal Pelas” maydonida o‘tkazadi.
“Chelsi” 2004/05, 2005/06 va 2014/15-yilgi mavsumlarda Joze Mourinyo bilan, 2009/10-yilgisida esa Karlo Anchelotti bilan bosh sovringa ega chiqqan. Ayni vaqtda klubni italiyalik boshqa bir mutaxassis Antonio Konte boshqarib bormoqda.
Izoh (0)