Лондоннинг «Челси» клуби Рождествога етакчи бўлиб келган мавсумларини кейинчалик чемпион сифатида якунлаган

Англия Премьер-Лигасининг Twitter’даги саҳифаси Лондоннинг «Челси» клубига оид фактни чоп этди. Унда қайд этилишича, клуб Рождествони карвонбоши сифатида қарши олса, ўша мавсумни чемпион сифатида якунлаган.

2014-15 🏆
2009-10 🏆
2005-06 🏆
2004-05 🏆

Chelsea won the #PL on each of the four previous occasions they were top at Christmas. pic.twitter.com/01KfVX4E5P

— Premier League (@premierleague) December 15, 2016

1905 йилда ташкил этилган «Челси» ҳозирга қадар 5 бор мамлакат чемпионлигини қўлга киритган бўлиб, шуларнинг 4 таси сўнгги 12 йил ичида кузатилган.

Қизиқ томони, 2004/05, 2005/06, 2009/10 ва 2014/15 йилги мавсумларда «Челси» Рождествога қадар турнир жадвалида 1-ўринда бўлган ва якунда ҳам етакчиликни ҳеч кимга бермаган.

Сир эмаски, Рождество 25 декабрда кириб келади. 17 декабрь куни Англия Премьер-Лигаси жамоалари 17-тур доирасида майдонга тушади, 18-тур эса 26 декабрь санасига тайин қилинган.

Чемпионатнинг 16-туридан кейин «Челси» энг яқин таъқибчилари бўлган «Ливерпуль» ҳамда «Арсенал»ни 6 очкога ортда қолдираётгани инобатга олинса, 17-турни қандай якунла ҳам Рождествони 1-ўрин билан қарши олиши ойдинлашади.

Маълумот учун, «Челси» 17-турни «Кристал Пэлас» майдонида ўтказади.

«Челси» 2004/05, 2005/06 ва 2014/15 йилги мавсумларда Жозе Моуриньо билан, 2009/10 йилгисида эса Карло Анчелотти билан бош совринга эга чиққан. Айни вақтда клубни италиялик бошқа бир мутахассис Антонио Конте бошқариб бормоқда.