Fransiyadagi auksionda Yura davri dinozavri skeleti salkam 1,13 million yevroga sotildi. Bu haqda “TASS” xabar bermoqda.
Gap bundan 135 million yil avval qirilib ketgan allozavr qoldiqlari haqida ketayotgani bildirilmoqda. Jonivorning 75 foiz saqlanib qolgan skeleti 2013-yilda topilgan. Uning uzunligi 7,5, balandligi esa 2,5 metrdan oshiq. Auksion uyi vakiliga ko‘ra, “skelet fransuz tomonidan xarid qilindi va Fransiyada qoladi. Yozda barcha uchun namoyish etilishi mumkin”.
AFP agentligining bildirishicha, yirik tarixiy yirtqichlar skeletlarining qonuniy ravishda sotuvga qo‘yilishi kamdan-kam uchraydi. Oxirgi bor dinozavr skeleti Parijdagi auksionda 2010-yilda 1,3 million yevroga sotilgandi.
Izoh (0)