Meksikaning San-Luis-Potosi shtatida yashovchi Kresensio Ibarra qizi Rubining 15 yoshga to‘lishi munosabati bilan o‘tkaziladigan tantanaga uni ko‘rayotgan barchani taklif etgan videorolik Facebook’da joylashtirilgach butun mamlakatga tanilib ketdi. Hozirgacha bu taklifga milliondan ortiq kishi munosabat bildirgani ma’lum qilinmoqda, deya xabar beradi “TASS”.
Tug‘ilgan kun munosabati bilan o‘tkaziladigan kechaning dovrug‘i bu darajada tarqalib ketishiga bunday tadbirlarni suratga olishga ixtisoslashgan fotografning xatosi sabab bo‘ldi. U Ibarraning buyurtmasi bo‘yicha tasvirga olingan videoni adashib, Facebook’dagi sahifasiga joylashtirdi. Lavha mazkur ijtimoiy tarmoq foydalanuvchilari orasida tezda ommalashib ketdi, keyinchalik YouTube videoxostingida paydo bo‘lib, haqiqiy shov-shuvga sabab bo‘ldi.
Fotografning xatosi Ibarra oilasiga nafaqat mashhurlik va OAV e’tibori, balki tijoriy daromad ham keltirmoqda. Televideniye, kiyim-kechak ishlab chiqaruvchilar va reklama agentliklari Rubiga hamkorlik taklif etmoqda, qizga pochta orqali turli brendlarning liboslari jo‘natilmoqda.
Mahalliy OAV tantanaga tashrif buyurishni istaganlar uchun yo‘l ko‘rsatkichlar chop etmoqda. Ularda Ibarra oilasi ranchosigacha qaysi transport vositasida yetib borish qulayroq ekanligi batafsil tushuntirilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)