Facebook’da “Kalashnikov” avtomatini sochib, so‘ng yig‘ayotgan o‘zbek o‘quvchi qizlarining videosi paydo bo‘ldi. Video Qozog‘istonda olingan, biroq qachon va nima munosabati bilan olingani aniq emas. Taxminlarga ko‘ra, video mamlakatdagi o‘zbek maktablaridan birida o‘tkazilgan tadbir vaqtida olingan.
Dastlab o‘quvchi qizlardan biri “Kalashnikov” avtomatini 12 soniyada sochib, so‘ng atigi 20 soniyada qayta yig‘di. Tadbirda hakamlik qilgan harbiy “Kalashnikov” qismlarini 25 soniyada yig‘gan kishi normativ bo‘yicha a’lo bahoga loyiqligini eslatib o‘tdi.
Shundan so‘ng, Mirrahimova familiyali boshqa bir o‘quvchi qiz chiqish qilgan (harbiy uni “eng ilg‘orlardan biri” deya ta’riflagan). U avtomatni 10 soniyada qismlarga ajratib tashladi.
Xabar tuzatildi: Xabarning dastlabki tahririda video Qirg‘izistonda olingani taxmin qilingan edi, biroq “Daryo” mushtariylari voqea Qozog‘istonda bo‘lganiga aniqlik kiritdi. Noaniqlik uchun uzr, e’tiboringiz uchun tashakkur!
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)