Janubiy Afrika Respublikasida begemot avtomobilga hamla qilib, unga jiddiy shikast yetkazdi. Bu haqda UPI agentligi xabar berdi.

26 yoshli Vikus Seroni o‘z yo‘ltanlamasida Mozambikdan qaytayotgan edi. Kryuger milliy bog‘idagi ko‘prikka yaqinlashayotganida u begemotni ko‘rdi, biroq unga ahamiyat bermadi. Erkak jonivor odamlarga ko‘nikib qolgan va unga e’tibor qaratmaydi, deya taxmin qildi.

“To‘satdan begemot menga o‘girildi va men tomonga yugurib ketdi, — dedi Seroni jurnalistlarga. — Men uning to‘xtamasligini tushundim va to‘qnashuvga tayyorlandim”.

Hayvon mashinaga zarb bilan urildi, so‘ng undan uzoqlashib ketdi. Eshiklardan biri va kapotga shikast yetdi. Bundan tashqari, avtomobilda tish izlari qoldi. Seroni o‘zini omadi chopgan deb hisoblaydi: yonboshdan berilgan zarbadan mashina jarga qulashi mumkin edi.