Antarktidada hozirda hasharotlarning atigi uch turi istiqomat qiladi, biroq o‘tmishda ular anchagina ko‘p bo‘lgan. Ameikalik olimlar muzliklardan biridan yoshi 14 million yildan oshiq bo‘lgan qo‘ng‘iz qoldiqlarini topdi. Bu haqda National Geographic xabar bermoqda.
Tadqiqot Shimoliy Dakota universiteti va Smitson instituti mutaxassislari tomonidan o‘tkazildi va uning natijalari ZooKeys jurnalida chop etildi. Hasharotning toshqotgan qanotlari Birdmor muzligi hududidan topildi.
Topilmaga Antarctotrechus balli deya nom berildi. Qo‘ng‘izlar mazkur hududda 14—20 million yil avval, Antarktida iqlimi iliqroq va o‘simliklar bilan qoplangan davrlarda yashagan.
Kashfiyot Yer tarixini o‘rganishga muhim hissa qo‘shadi. Hozirda Antarktika faunasi atigi uch hasharot — Glaciopsyllus antarcticus burgasi, Belgica antarctica chivini va Camponotus werthi chumolilaridan iborat, xolos. Ularning hech biri uchmaydi. Olimlarga ko‘ra, Antarctotrechus balli ham uchmaydigan hasharotlardan bo‘lgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)