AQShning yangi saylangan prezidenti Donald Tramp 6-dekabr, seshanba kuni iste’fodagi general Jeyms Mettis nomzodini rasman Pentagon rahbari lavozimiga ilgari surdi, deb yozadi “TASS”. Bu haqda 20-yanvardan o‘z prezidentlik vakolatlarini bajarishga kirishadigan Amerikaning navbatdagi yetakchisining o‘tish jamoasi tarqatgan bayonotda aytiladi.
“Men general Jeyms Mettis nomzodini faxr bilan mudofaa vaziri lavozimiga ilgari suraman, — dedi Tramp. — Uning rahbarligi ostida biz o‘z Qurolli kuchlarimiz va alyanslarimizni qayta tiklaymiz, terrorchilarni yo‘q qilamiz, dushmanlarga yuzma-yuz qarshi kelamiz va Amerika xavfsizligini ta’minlaymiz”.
Shu bilan birga, Amerika ma’muriyatining bo‘lajak rahbari Mettisni “AQShdagi eng samarali” harbiy boshliqlardan biri sifatida tavsifladi hamda uning xarakteri va prinsipialligini yuqori baholadi.
O‘z tomonidan, iste’fodagi general bunday lavozimga tayinlanishini katta sharaf sifatida qabul qilishini aytib, “Amerika kuchli va himoyalangan bo‘lishi” uchun barcha qobiliyatini ishga solishga va’da berdi.
Izoh (0)