Xitoy Buyuk Britaniyani Xavfsizlik kengashidagi “muhitni bulg‘amaslik”ka chaqirdi

Xitoyning BMT Xavfsizlik kengashidagi doimiy vakili Lyu Szei Pekin va Moskva Aleppo bo‘yicha yangi rezolyutsiyaga taqiq qo‘ygan yig‘ilish davomida britaniyalik hamkasbi Mettyu Raykroftni tanqid ostiga oldi. Bu haqda “RBK” xabar bermoqda.

Lyu Szei Raykroftdan Xavfsizlik kengashidagi “muhitni bulg‘amaslik” va “uning qoidalarini pisand qilmaslikka chek qo‘yish”ga chaqirdi.

Raykroft o‘z chiqishi chog‘ida Aleppo bo‘yicha rezolyutsiya yuzasidan ovoz berishda Xitoy va Rossiya taqiq qo‘yish huquqidan foydalanganidan ajablanish bildirgandi.

“Rossiya va Xitoy hujjat yetarli darajada muhokama etilmagani uchun emas, balki salkam yarim million fuqarosini o‘ldirgan zolimga bo‘lgan eski, o‘rinsiz ishonchi tufayli taqiq qo‘yishga qaror qildi”, — deya ta’kidladi Raykroft.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.