АҚШнинг янги сайланган президенти Дональд Трамп 6 декабрь, сешанба куни истеъфодаги генерал Жеймс Мэттис номзодини расман Пентагон раҳбари лавозимига илгари сурди, деб ёзади «ТАСС». Бу ҳақда 20 январдан ўз президентлик ваколатларини бажаришга киришадиган Американинг навбатдаги етакчисининг ўтиш жамоаси тарқатган баёнотда айтилади.
«Мен генерал Жеймс Мэттис номзодини фахр билан мудофаа вазири лавозимига илгари сураман, — деди Трамп. — Унинг раҳбарлиги остида биз ўз Қуролли кучларимиз ва альянсларимизни қайта тиклаймиз, террорчиларни йўқ қиламиз, душманларга юзма-юз қарши келамиз ва Америка хавфсизлигини таъминлаймиз».
Шу билан бирга, Америка маъмуриятининг бўлажак раҳбари Мэттисни «АҚШдаги энг самарали» ҳарбий бошлиқлардан бири сифатида тавсифлади ҳамда унинг характери ва принципиаллигини юқори баҳолади.
Ўз томонидан, истеъфодаги генерал бундай лавозимга тайинланишини катта шараф сифатида қабул қилишини айтиб, «Америка кучли ва ҳимояланган бўлиши» учун барча қобилиятини ишга солишга ваъда берди.
Изоҳ (0)