Moskva metrosining poyezdlaridan birida multfilm qahramonlarining ovozlari yangraydi

Rossiyaning “Soyuzmultfilm” kinostudiyasi bekatlari multfilm qahramonlarining ovozlari bilan e’lon qilinadigan poyezd ishga tushirilganini ma’lum qildi, deb yozadi TJournal. Bekatlar “Senimi, shoshmay tur!”dagi Quyon hamda “Kichkintoy va Karlson” multfilmidagi enaga freken Bokning ovozlari bilan e’lon qilinadi.

“Soyuzmultfilm” vakillari so‘zlariga ko‘ra, personajlarni tanlashda Moskva metrosining o‘ziga xos jihatlari hisobga olindi, chunonchi unda shahar markazidan yo‘l oladigan poyezdlarda bekatlar ayol kishining ovozi bilan, markazga yo‘nalganlarida esa erkak kishining ovozi bilan e’lon qilinadi.

Multfilm qahramonlariga aktrisa Larisa Broxman ovoz berdi. Uning aytishicha, Quyon va freken Bok o‘z individualligini saqlab qolgan bo‘lib, osonlik bilan tanib olinadi. Broxman qahramonlarga ovoz berish chog‘ida, yo‘lovchilarga odatiy bo‘lib qolgan diktor ovoziga mos kelishi uchun, ularning ovozlarini sokin va bir tekis qilishiga to‘g‘ri kelgan.