Germaniya kansleri Angela Merkel mamlakatda migratsiya bilan bog‘liq inqiroz qaytarilishiga yo‘l qo‘ymasligini ma’lum qildi. Bu haqda “Kommersant” xabar bermoqda.
“Germaniyaga 2015-yil yozidagi kabi qochoqlarning kelishi mumkin emas. Mazkur holat boshqa qaytarilmaydi. Muhojirlar bilan muammolarni hal etish siyosiy maqsadim bo‘lgan va shunday bo‘lib qoladi”, — deya ta’kidladi Merkel Xristian-demokratik ittifoq syezdidagi chiqishi chog‘ida.
Ma’lumot uchun, Germaniya ichki ishlar vaziri Tomas de Mezyerga ko‘ra, 2015-yili mamlakatga kamida 890 ming muhojir keldi. Ular asosan Suriya, Iroq, Afg‘oniston va Liviya fuqarolaridan iborat.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)