Rossiya prezidenti Vladimir Putin kelgusida faoliyatini muvaffaqiyatli yakunlash va ko‘proq sayohat qilishni istashini bildirdi. Bu haqda “Interfaks” xabar bermoqda.
Bu haqda u Chelyabinskda, “Eterno” mas’uliyati cheklangan jamiyati xodimlari bilan suhbat chog‘ida ma’lum qildi. Zavod ishchilaridan birining qanday orzusi borligi haqidagi savoliga Putin “Karyeramni muvaffaqiyatli yakunlashni istayman”, deb javob berdi.
Shug‘ullanishni istaydigan mashg‘uloti bor-yo‘qligi haqidagi savolga javoban Putin sayohat qilishni yoqtirishini bildirdi.
“Hozir barcha safarlarim shundan iboratki, aeroportga kelaman, samolyotda uchaman, keyin qaysidir binoga boraman, so‘ng yana aeroportga. Albatta, boshqacharoq sayohat qilish — tabiat qo‘ynida bo‘lish, tarixiy obidalarni ko‘zdan kechirishni istayman”, — deya ta’kidladi Rossiya prezidenti.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)