Amerika harbiy-havo kuchlarining Florida shtatidagi Makdil bazasida nutq so‘zlayotib, prezident Barak Obama AQSh IShID terrorchilik tashkilotining o‘sishiga va mustahkamlanishiga imkoniyat yaratgan xatolarini boshqa takrorlamasligini aytdi, deb yozadi “RBK”.
“Biz 2003-yilda bostirib kirish bilan bog‘liq ba’zi xatolarimizni takrorlashdan voz kechdik, ular boshidanoq, IShID sifatida tanilgan tashkilotning o‘sishiga imkoniyat yaratdi”, — dedi Obama.
Prezident uning raqiblari ko‘p bora Iroqdan qo‘shinlarning chiqarib ketilishini IShIDning yuzaga kelishi sababi deb ataganini qayd etdi. Obamaning fikricha, bunday da’volar asossizdir.
Amerika prezidenti IShIDga qarshi tayyorlangan mahalliy xavfsizlik kuchlari koalitsiya yordamida kurashni boshlagan vaqtda, uning ma’muriyati harakatlari natijasida, guruh o‘z nazorati ostidagi hududlarning yarmidan ko‘pini yo‘qotganini ta’kidladi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)