“Barselona” hujumchisi Lionel Messi “Seltik” klubiga qarshi (2:0) YChL guruh bosqichi 5-turida dubl qayd etib, xalqaro klub musobaqalarida kiritgan gollari sonini 100 taga yetkazib oldi. Bu haqda “Sports.ru” xabar bermoqda.
Shu tariqa, argentinalik futbolchi xalqaro klub musobaqalarida 100 ta gol kiritgan futbol tarixidagi birinchi o‘yinchiga aylandi.
Messi 100 ta goldan 92 tasini YChLda, 5 tasini klublar o‘rtasidagi JChda hamda 3 tasini Yevropa Superkubogida kiritgan. Buning uchun 29 yoshli futbolchiga 119 ta o‘yin kerak bo‘ldi.
Xalqaro klub musobaqalarida gol kiritish bo‘yicha “Real” hujumchisi Krishtianu Ronaldu 2-o‘rinda bormoqda. Uning hisobida 99 ta gol mavjud. 31 yoshli futbolchi YChLda 96 ta, klublar o‘rtasidagi JChda 1 ta hamda Yevropa Superkubogida 2 ta gol kiritgan. Ushbu natijani qayd etish uchun Ronalduga 141 o‘yin zarur bo‘ldi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)