АҚШнинг янги сайланган президенти Дональд Трамп 17 ноябрь, пайшанба куни Япония бош вазири Синдзо Абэ билан учрашди, бу мамлакатдаги сайловлардан кейин чет эллик етакчи билан ўтказилган биринчи учрашув бўлди, деб ёзади «ТАСС».
Япония ҳукумати раҳбари билан суҳбат аллақачон якунлангани хабар берилмоқда. 17 ноябрь куни аввалроқ Абэ Нью-Йоркка етиб келган эди. Сиёсатчилар муҳокама қиладиган мавзулар ҳақида ҳеч нарса айтилмаган эди.
Учрашув якунларига кўра, Абэ Дональд Трамп билан ишончли алоқалар ўрната олишини маълум қилди. «Биз дўстона муҳитда жуда сермазмун суҳбат ўтказдик. Мен турли масалалар бўйича бизнинг позициямизни маълум қилдим. Ишончим комилки, биз янги сайланган президент Трамп билан ишончли алоқаларни ўрната оламиз», — деди Абэ.
Япония бош вазири қўшимча қилишича, сиёсатчилар мавриди келганида яна бир бор учрашиб, қатор икки томонлама масалаларни муҳокама қилишга келишиб олган.
Изоҳ (0)