Janubiy Afrika respublikasida OIVga qarshi yangi vaksina sinovi boshlandi. Bu haqda mamlakat vitse-prezidenti Siril Ramaposa ma’lum qildi, deya xabar beradi “TASS”.
“OIVga barham berish borasida muhim yangilik bo‘lishi kutilayotgan vaksinani sinash jarayonini boshdan-oyoq mahalliy olimlar boshqarmoqda. Tajribalar 20 oy davom etadi, volontyorlar uch yil davomida kuzatiladi”, — deya ta’kidladi Ramaposa.
Tajriba uchun sarflanadigan mablag‘ 135 million randga (10 million dollar) baholanmoqda. Mamlakatning 18 viloyatidan 18 yoshdan 35 yoshgacha bo‘lgan 5400 nafar OIVga chalinmagan volontyor tanlab olinadi. Sinov yakunlari 2022-yilda ma’lum bo‘ladi.
Ma’lumot uchun, JARning salkam 56 million aholisidan 7 milliondan oshig‘i yoki qariyb 13 foizi OIVga chalingan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)