Qozog‘iston Milliy banki mamlakat prezidenti Nursulton Nazarboyev tasviri tushirilgan banknotani chiqaradi, deb yozadi “TASS”.
Uni Milliy bank rahbari Doniyor Akishev 15-noyabr, seshanba kuni Ostonadagi “Qozog‘iston mustaqilligining 25 yilligi: milliy valyuta” konferensiyasida taqdim etdi.
“Banknotalarga portretlarni tushirish mavzusi yangi emas. Buning ustiga, bu mamlakat hayotiga eng muhim hissa qo‘shgan shaxslarning tasvirini joylashtirish orqali davlatchilik g‘oyasini ifodalashning eng yorqin, odatiy va tushunarli shaklidir”, — deya ta’kidladi Akishev.
Uning so‘zlariga ko‘ra, 10 ming tenge nominaliga ega yangi banknota 1-dekabrda nishonlanadigan Prezident kuniga atab cheklangan adadda chiqariladi.
Izoh (0)