Rossiya tergov qo‘mitasi iqtisodiy rivojlanish vaziri Aleksey Ulyukayevga nisbatan jinoiy ish qo‘zg‘adi. Vazir qo‘lga olingan, tezkor tergov harakatlari olib borilmoqda. Bu haqda TJournal xabar bermoqda.
Yaqin orada tergov tomonidan vazirga ayblov e’lon qilinishi va ehtiyot chorasi qo‘llanishi rejalashtirilmoqda. Qo‘mitaga ko‘ra, “Ulyukayevga pullar kuch tizimlari xodimlari nazorati ostidagi tergov eksperimenti chog‘ida berilgan”. “Rosneft” kompaniyasi rahbariyatiga qo‘mitaning e’tirozi yo‘q.
Rossiya prezidentining matbuot kotibi Dmitriy Peskov vazir qo‘lga olingani haqida Putinga hisobot berilgani yoki yo‘qligidan xabardor emasligini ma’lum qildi. Iqtisodiy rivojlanish vazirligi hozircha mazkur vaziyatga izoh bermadi.
“RIA Novosti” manbasiga ko‘ra, Aleksey Ulyukayev bir yildan oshiq vaqtdan beri Federal xavfsizlik xizmatining operativ kuzatuvi ostida bo‘lgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)