O‘zbekiston Respublikasi Sog‘liqni saqlash vazirligi shifokor retseptisiz sotiladigan dori vositalarining yangilangan ro‘yxati loyihasini tayyorladi. Hujjat muhokama uchun Yagona interaktiv davlat xizmatlari portalida e’lon qilindi, deya xabar beradi “Gazeta.uz”.
Ro‘yxatni 514 bandgacha qisqartirish (joriy yil qabul qilingan amaldagi ro‘yxatdan 1169 dori vositasi joy olgan) taklif qilinmoqda. Jumladan, ro‘yxatga 192 monopreparat (hozirda 186) va 322 kompleks dori vositasi (983) kiritilgan.
O‘zbekiston Prezidenti vazifasini bajaruvchi Shavkat Mirziyoyev tomonidan 31-oktabr kuni qabul qilingan “Aholini dori-darmon vositalari va tibbiyot buyumlari bilan ta’minlashni yanada yaxshilashga doir chora-tadbirlar to‘g‘risida”gi qarorda shifokor retseptisiz sotiladigan dori vositalarining yangilangan ro‘yxatini qabul qilish ko‘zda tutilgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)