Ўзбекистон Республикаси Соғлиқни сақлаш вазирлиги шифокор рецептисиз сотиладиган дори воситаларининг янгиланган рўйхати лойиҳасини тайёрлади. Ҳужжат муҳокама учун Ягона интерактив давлат хизматлари порталида эълон қилинди, дея хабар беради «Газета.uz».
Рўйхатни 514 бандгача қисқартириш (жорий йил қабул қилинган амалдаги рўйхатдан 1169 дори воситаси жой олган) таклиф қилинмоқда. Жумладан, рўйхатга 192 монопрепарат (ҳозирда 186) ва 322 комплекс дори воситаси (983) киритилган.
Ўзбекистон Президенти вазифасини бажарувчи Шавкат Мирзиёев томонидан 31 октябрь куни қабул қилинган «Аҳолини дори-дармон воситалари ва тиббиёт буюмлари билан таъминлашни янада яхшилашга доир чора-тадбирлар тўғрисида»ги қарорда шифокор рецептисиз сотиладиган дори воситаларининг янгиланган рўйхатини қабул қилиш кўзда тутилганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)