Osiyo taraqqiyot banki Toshkent viloyatining Qibray va Zangiota tumanlarida suv ta’minotini yaxshilashga 120 million dollar hajmida qarz ajratilishini ma’qulladi, deya xabar bermoqda “Gazeta.uz” bank matbuot xizmatiga tayanib. Loyiha amalga oshirilishi natijasida 260 mingdan ziyod kishi xavfsiz ichimlik suvi bilan doimiy ravishda ta’minlanadi.
Osiyo taraqqiyot bankining Markaziy va G‘arbiy Osiyo bo‘limi shahar taraqqiyoti bo‘yicha mutaxassisi Xao Chjan so‘zlariga ko‘ra, loyiha uy xo‘jaliklari va biznesning suvga xarajatlarini qisqartirish imkonini beradi va turmush darajasini oshirishga xizmat qiladi. Viloyat suv ta’minoti infratuzilmasining katta qismi ta’mirga ehtiyojmand.
Suv ta’minoti tarmoqlarini modernizatsiya qilish bilan birga, loyiha orqali ushbu ikki tumandagi suv ta’minoti sohasi boshqaruv tizimini yaxshilash ham ko‘zda tutilgan.
Izoh (0)