O‘zbekiston Prezidenti vazifasini bajaruvchi Shavkat Mirziyoyev qarori (pdf) bilan, Tadbirkorlik subyektlarini davlat ro‘yxatidan o‘tkazish va hisobga qo‘yish tartibini tubdan takomillashtirish bo‘yicha chora-tadbirlar kompleksi ma’qullandi.
Unga ko‘ra, 2017-yil 1-apreldan boshlab tadbirkorlik subyektlarini davlat ro‘yxatidan O‘zbekiston Respublikasi Davlat interaktiv xizmatlari yagona portaliga integratsiyalashgan Internet tarmog‘idagi tadbirkorlik subyektlarini davlat ro‘yxatidan o‘tkazish va hisobga qo‘yishning avtomatlashtirilgan tizimi orqali kecha-yu kunduz o‘tkazish va hisobga qo‘yish ta’minlanadi.
Tijorat banklari, O‘zbekiston banklari uyushmasi, elektron to‘lovlar xizmatlarini ko‘rsatadigan tashkilotlarga elektron to‘lovlarni amalga oshirish uchun O‘zbekiston Respublikasida mavjud bo‘lgan elektron to‘lov tizimlari, Yagona portalda foydalanuvchining shaxsiy kabineti va “tadbirkorlik subyekti kabineti” bilan Internet tizimi orqali bank hisob raqamlarini boshqarish tizimining integratsiyalashuvini amalga oshirish tavsiya etildi.
Izoh (0)