Gretsiya poytaxti Afinada noma’lum kimsalar Fransiya elchixonasi hududiga granata tashladi, deya xabar bermoqda “RBK”.
Kathimerini nashri ma’lumotlariga ko‘ra, hodisa Toshkent vaqti bilan 07:45 da Afina markazidagi Vasilisas Sofias ko‘chasida yuz bergan. Granata elchixona darvozasi yonida, soqchilar postidan 3—4 metr masofada portlagan.
Hodisa natijasida postdagi politsiyachi yengil jarohat olgan, u kasalxonaga yetkazilgan.
Nashr ta’kidlashicha, granatani elchixona hududiga bino yonidan mototsiklda o‘tib borayotgan ikki yovuz niyatli tashlagan. Jinoyatni sodir etgach, ular darhol qochib qolgan.
Izoh (0)