Amerikalik olimlar o‘rta yoshdagi ayollar xotirasi erkaklarnikidan yaxshiroq ekanligini, biroq menopauzadan so‘ng u yomonlashishini aniqladi, deb yozadi EurekAlert!
Ko‘p sonli ilmiy ishlar natijalari keksayish jarayoni kognitiv qobiliyatlarning yomonlashuvi bilan kechishini ko‘rsatdi. Qariyalarning 75 foizga yaqini esda saqlash qobiliyati bilan bog‘liq muammolardan shikoyat qiladi. Ko‘plab ayollar esa menopauzadan so‘ng xotirasi pasayib qolganidan noliydi. Shu bilan bir vaqtda, ayollar neyrodegenerativ kasalliklar, demensiya (aqli zaiflik) va boshqa kognitiv kasalliklarga ko‘proq uchraydi.
Tadqiqotda 45 dan 55 yoshgacha bo‘lgan 212 nafar ayollar va erkaklar qatnashdi. Olimlar epizodik xotira, ijrochi funksiyalar, semantik ishlov berish va verbal aql (tilga qobiliyat) kabi neyrologik jarayonlarni kognitiv sinovdan o‘tkazdi.
Menopauzadan keyin ayollarda xotira pasayishi kuzatilishi, bu estradiola miqdori kamayishi bilan bog‘liqligi aniqlandi. Ushbu jinsiy gormon kamayishi o‘rganish samaradorligining va avvalroq o‘zlashtirilgan ma’lumotni eslash qobiliyatining pasayishiga ham ta’sir qiladi. Ammo ayollar menaopauzagacha erkaklardan kuchliroq xotira bilan farqlanadi.
Izoh (0)