Qirg‘iziston parlamenti deputatlari ko‘pchilik ovoz bilan mamlakatning yangi hukumati tarkibi va tizimini ma’qulladi. Bu haqda parlament matbuot xizmati ma’lum qildi, deya xabar beradi “TASS”.
“Koalitsiya tomonidan taklif etilgan hukumat tarkibi va tizimini yoqlab 112 deputat ovoz berdi, 4 deputat qarshi chiqdi. Hukumat deputatlar qabul qilgan qaror prezident Almazbek Atambayev tomonidan imzolangandan so‘ng rasman ishga kirishadi”, — deya ta’kidladi matbuot xizmati.
Qirg‘iziston hukumatining yangi tarkibi avvalgisidan deyarli farq qilmaydi. Bosh vazir Sooronbay Jeenbekov, shuningdek, bosh vazir o‘rinbosarlari va vazirlarning deyarli barchasi o‘z lavozimini saqlab qoldi.
Ta’lim va fan vaziri etib tayinlangan bosh vazir o‘rinbosari Gulmira Kudayberdiyeva o‘rniga Cho‘lpon Sultonbekova, ichki ishlar vaziri Kashkar Junushaliyev o‘rniga esa Aksilkorrupsiyaviy xizmatning sobiq rahbari Ulan Isroilov loyiq ko‘rildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)