Jasur Abduraimov murabbiylik qilayotgan O‘zbekiston yoshlar terma jamoasi Osiyo Chempionatini chorak finalda tark etdi.
Jahon Chempionati yo‘llanmasi tikilgan chorak final o‘yinida Eronga qarshi saf tortgan o‘zbekistonlik futbolchilar ikkita javobsiz gol o‘tkazib yubordi. Har ikki gol Rizo Ja’fariy otliq hujumchi nomiga yozildi.
Qayd etish kerak, bir oy muqaddam Temur Olimxo‘jayev boshqaruvidagi O‘zbekiston o‘smirlar terma jamoasi ham Osiyo Chempionatini chorak finalda tark etib, mundial chiptasidan quruq qolgandi.
O‘zbekiston yoshlar terma jamoasi Osiyo Chempionatida Tojikison va Avstraliya termalarini mag‘lub etgan, Xitoy bilan esa golsiz durang o‘ynagandi. O‘z guruhini peshqadam sifatida yakunlagan O‘zbekiston yoshlari Qatar hamda Yaponiyani mag‘lub eta olmay, guruhda ikkinchi bo‘lgan Eron dovonidan o‘ta olmadi.
2017-yil Janubiy Koreyada bo‘lib o‘tadigan Jahon Chempionatida Osiyo qit’asi sharafini mezbonlardan tashqari Saudiya Arabistoni, Vyetnam, Yaponiya va Eron himoya qiladigan bo‘ldi.
Ma’lumot uchun, 2018-yil Rossiyada bo‘lib o‘tadigan Jahon Chempionatining saralashida Eron milliy terma jamoasi ham O‘zbekistondan ustun kelgandi.
Osiyo Chempionati—U19 Chorak final 24-oktabr, dushanba
Izoh (0)