Жасур Абдураимов мураббийлик қилаётган Ўзбекистон ёшлар терма жамоаси Осиё Чемпионатини чорак финалда тарк этди.
Жаҳон Чемпионати йўлланмаси тикилган чорак финал ўйинида Эронга қарши саф тортган ўзбекистонлик футболчилар иккита жавобсиз гол ўтказиб юборди. Ҳар икки гол Ризо Жаъфарий отлиқ ҳужумчи номига ёзилди.
Қайд этиш керак, бир ой муқаддам Темур Олимхўжаев бошқарувидаги Ўзбекистон ўсмирлар терма жамоаси ҳам Осиё Чемпионатини чорак финалда тарк этиб, мундиал чиптасидан қуруқ қолганди.
Ўзбекистон ёшлар терма жамоаси Осиё Чемпионатида Тожикисон ва Австралия термаларини мағлуб этган, Хитой билан эса голсиз дуранг ўйнаганди. Ўз гуруҳини пешқадам сифатида якунлаган Ўзбекистон ёшлари Қатар ҳамда Японияни мағлуб эта олмай, гуруҳда иккинчи бўлган Эрон довонидан ўта олмади.
2017 йил Жанубий Кореяда бўлиб ўтадиган Жаҳон Чемпионатида Осиё қитъаси шарафини мезбонлардан ташқари Саудия Арабистони, Вьетнам, Япония ва Эрон ҳимоя қиладиган бўлди.
Маълумот учун, 2018 йил Россияда бўлиб ўтадиган Жаҳон Чемпионатининг саралашида Эрон миллий терма жамоаси ҳам Ўзбекистондан устун келганди.
Осиё Чемпионати—U19 Чорак финал 24 октябрь, душанба
Изоҳ (0)