Жаҳон банки 2017 йилдаги нефть нархи башоратини бир баррели учун 53 доллардан 55 долларга оширди. Бу ОПЕК давлатлари нефть қазиб олиш ҳажмини чеклашга тайёргарлик кўраётгани билан боғлиқ, дея хабар беради «Ведомости».
Банк экспертларининг ҳар чораклик «Биржа товарлари бозори истиқболлари» ҳисоботига кўра, келгуси йили нефть, табиий газ ва кўмир нархи июлда кутилган 22,2 фоиз ўрнига 24 фоизга ошади. Жорий йилдаги нефть қиймати эса, аввал тахмин қилинганидек, бир баррели учун 43 доллар атрофида қолади.
Эслатиб ўтамиз, олдинроқ Халқаро валюта жамғармаси 2017 йили нефтнинг ўртача нархи бир баррели учун 43 доллардан 51 долларга кўтарилиши, яқин 5 йил мобайнида эса 60 доллардан ошмаслигини тахмин қилганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)