Toshkentning Mirobod tumanida 18-oktabr kuni taxminan tungi soat 2:00 atrofida Captiva avtomobili yonib ketdi. “Darakchi.uz”ning yozishicha, yonayotgan avtomobilning suratlari ijtimoiy tarmoqlarda e’lon qilingan.
Internet foydalanuvchilarining ma’lum qilishicha, avtomobil ko‘p qavatli uydagi xonadonlarning birida yashovchi ayolga tegishli bo‘lgan. Avtomobil ichki tomonidan yona boshlagan, olov ichkaridan tashqariga chiqqan.
O‘t o‘chirish xizmati va YHXB xodimlari voqea sodir bo‘lgan joyga 10 daqiqa ichida yetib kelishi tufayli olov tezda o‘chirilib, yaqin atrofdagi mashinalarni xavfsiz masofaga ko‘chirilgan.
Avtomobil nima sababdan yonib ketgani ma’lum emas. Internet foydalanuvchilarining ba’zilari olovga avtomobilning elektr tarmog‘idagi nosozliklar sabab desa, yana kimdir buning qasddan amalga oshirilganini taxmin qilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)