Тошкентнинг Миробод туманида 18 октябрь куни тахминан тунги соат 2:00 атрофида Captiva автомобили ёниб кетди. «Даракчи.uz»нинг ёзишича, ёнаётган автомобилнинг суратлари ижтимоий тармоқларда эълон қилинган.
Интернет фойдаланувчиларининг маълум қилишича, автомобиль кўп қаватли уйдаги хонадонларнинг бирида яшовчи аёлга тегишли бўлган. Автомобиль ички томонидан ёна бошлаган, олов ичкаридан ташқарига чиққан.
Ўт ўчириш хизмати ва ЙҲХБ ходимлари воқеа содир бўлган жойга 10 дақиқа ичида етиб келиши туфайли олов тезда ўчирилиб, яқин атрофдаги машиналарни хавфсиз масофага кўчирилган.
Автомобиль нима сабабдан ёниб кетгани маълум эмас. Интернет фойдаланувчиларининг баъзилари оловга автомобилнинг электр тармоғидаги носозликлар сабаб деса, яна кимдир бунинг қасддан амалга оширилганини тахмин қилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)