Janubiy Koreyaning Hyundai kompaniyasi Shimoliy Amerika bozoridan 84 mingga yaqin avtomobilni xavfsizlik yostiqchalaridagi nuqsonlar tufayli qaytarib oladi. Bu haqda kompaniya vakillari ma’lum qildi, deya xabar beradi “TASS”.
2010—2016-yillarda chiqarilgan Genesis Coupe mashinalari qaytarib olinmoqda. Kompaniya vakillariga ko‘ra, zavodda yo‘l qo‘yilgan xato tufayli oldingi o‘rindiqlardagi xavfsizlik yostiqchalari haydovchi yoki yo‘lovchini himoya etish uchun yetarli bo‘lmagan kuch bilan ochilishi mumkin.
Hyundai nuqson bepul bartaraf etilishini o‘z zimmasiga oldi. Shu bilan birga, mazkur nosozlik tufayli sodir bo‘lgan shikastlanishlar haqida ma’lum emasligi bildirilmoqda.
Izoh (0)