AQShning Sondors kompaniyasi qimmat bo‘lmagan elektromobil yaratganini e’lon qildi. Bu uch g‘ildirak va alyumin kuzovga ega, uch kishiga mo‘ljallangan avtomobil bo‘ladi, deb xabar beradi “Korrespondent.net”.
Elektromobilning to‘liq xususiyatlari hozircha sir saqlanmoqda. Faqat kompaniya turli quvvatdagi, 80, 160 hamda 320 kilometrgacha harakatlanishga imkon beradigan uchta litiy-ionli batareyalardan birini taklif etayotgani ma’lum.
Sondors elektromobilini 10 ming dollar evaziga, ya’ni yangi Chevrolet Bolt yoki bo‘lajak Tesla Model 3 avtomobillariga nisbatan uch-to‘rt marotaba arzonroqqa sotib olish mumkin.
Kompaniya yiliga 120 ming mashina tayyorlashni rejalashtirmoqda. Elektromobil ishlab chiqarishni boshlash uchun million dollar atrofida talab etiladi. Bunga ketadigan mablag‘ni kompaniya aksiyalarini har bir donasini 12 dollardan sotish hisobidan to‘plash mo‘ljallangan. Hozirgacha 330 ming dollar yig‘ishga muvaffaq bo‘lindi.
Izoh (0)