9-oktabr kuni Toshkentda bo‘lib o‘tgan biznes-treningda O‘zbekistonning turli viloyatlaridan tashrif buyurgan 200 dan ortiq ishbilarmon-tadbirkorlar ishtirok etdi.
Biznes-trening yuqori darajada tashkil etilgan bo‘lib, u tadbirkorlar uchun o‘ta muhim bo‘lgan qimmatbaho bilimlar va ma’lumotlarga boy bo‘ldi. Quvonarli tomoni, biznes-trening o‘zbek tilida olib borildi. Biznes-treningdan barcha tadbirkorlar o‘z bizneslarining rivojlanishi va yanada yuqori darajaga ko‘tarilishi uchun zarur bo‘lgan vositalarga ega bo‘lgan holda, ko‘tarinki ruh va qoniqish hissi bilan chiqdi. Mana ularning fikr-mulohazalari:
Farshed QodirovSamarqand shahri Kompaniyasi: “Azizon-Mahsulot” MChJ
Trening foydali va qiziqarli materiallarga shu darajada boy bo‘ldiki, to‘rt soat vaqt qanday o‘tib ketganini sezmay qoldim. O‘zim va biznesim uchun juda kerakli ma’lumotlarga va bilimlarga ega bo‘ldim. Bu bilimlarni amalda qo‘llab, biznesimda o‘zim mo‘ljallagan muvaffaqiyatlarga erisha olishimga ishonchim komil. Bunday keyin Forta Business Education’ning bironta biznes-treningini o‘tkazib yubormayman, degan qarorga keldim.
Qudratilla HamidullayevToshkent shahri Sohasi: Marketolog
Men marketing sohasi bo‘yicha Italiyada tahsil olganman. Bugungi kunda esa bir qancha tadbirkorlarga maslahat xizmatini ko‘rsataman. Trening shu darajada qiziqarli bo‘ldiki, tashkilotchilar mutaxassis sifatida mening zerikishimga yo‘l qo‘ymadi. Mavzu juda keng qamrovli bo‘lishiga qaramasdan, trener ko‘p sonli auditoriyaga o‘z bilimlarini yetkazib berishning uddasidan chiqdi. Ishtirokchi tadbirkorlarning juda katta qoniqish his qilganliklarini inobatga olib aytadigan bo‘lsam, Forta Business Education’ning kelajagi bor. Savdo hajmini oshirish istagi bo‘lgan barcha tadbirkorlarga tavsiya qilaman.
Ulug‘bek Jo‘rayevQo‘qon shahri Sohasi: New Line Production Sho‘rsuv MChJ
Yosh tadbirkor sifatida yillar davomida misqollab yig‘ilishi kerak bo‘lgan bilimlarni bugungi 4 soatlik biznes-trening davomida ololganligimdan benihoya xursandman. Berilgan ma’lumotlar va bilimlar mening dunyoqarashimga va fikrlashimga ijobiy ta’sir qildi. O‘zim shaxs sifatida ushbu treningdan so‘ng o‘zgardim, deb hisoblayman. O‘zim uchun juda ko‘p yangiliklarni kashf qildim. Barcha tadbirkorlarga tavsiya qilaman.
Iroda AsilbekovaToshkent shahri Sohasi: “Milliy” telekanali
Bu men uchun bugun hayotimdagi eng esda qolarli kunlardan biri bo‘ldi. Chunki bugungi trening men qatnashganlarim orasida eng kuchlisi bo‘ldi. Vaqt va mablag‘ sarflab hatto chet davlatlardagi mashhur biznes-trenerlarning ham treninglarini eshitganman. Lekin “bunaqasi” bo‘lmagan. Qoyil qoldim. Bir tomondan mavzuga tegishli materiallarning sifati meni hayratlantirgan bo‘lsa, ikkinchi tomondan meni lol qoldirgani — Mehriniso Nurullayevnaning mavzuni yetkazib berish mahorati bo‘ldi. Bu mahorat talant darajasida edi. O‘zbek ayollari orasidan shunday salohiyatli biznes-trener yetishib chiqganligidan behad xursand bo‘ldim. Hayotda muvaffaqiyatga erishishni o‘z oldiga maqsad qilib qo‘ygan barcha tadbirkorlarimiz uchun juda katta imkoniyat paydo bo‘lganligini his qildim. Forta Business Education’ning ziyo tarqatishdek hayrli ishlariga chin dildan omad tilayman.
Forta Business Education’ning biznes-treninglar jadvali bilan www.forta.uz sayti va @FortaUz Telegram-kanali orqali tanishing, biznes-treningda ishtirok eting va o‘zingiz orzu qilgandek muvaffaqiyatga tezroq erishing!
Reklama huquqi asosida
Izoh (0)