Yaponiyaning Mitsubishi Corporation va Mitsubishi Hitachi Power Systems (MHPS) kompaniyalari Navoiy issiqlik elektrostansiyasida quvvati 450 megavatt bo‘lgan ikkinchi bug‘-gaz qurilmasini o‘rnatadi. Bu haqda UzDaily xabar bermoqda.
Yaponiyaning “Rivojlanishga rasmiy yordam” dasturi va O‘zbekiston hukumati tomonidan moliyalashtiriladigan loyiha doirasida MHPS bug‘-gaz qurilmasining asosiy qismlarini yetkazib beradi. Mitsubishi Corporation Turkiyaning Calik Enerji Sanayi ve Ticaret A.S. kompaniyasi bilan hamkorlikda qolgan qismlarni yetkazib beradi, shuningdek, jihozlar transportirovkasi, qurilish va montaj ishlari uchun javob beradi.
Oldinroq loyiha qiymati 520 million dollar ekanligi ma’lum qilingandi. Yaponiya xalqaro taraqqiyot agentligi (JICA) 360 million dollar miqdoridagi zayom taqdim etadi, O‘zbekiston rekonstruksiya va taraqqiyot fondi esa 100 million dollar kredit ajratadi. Shuningdek, “O‘zbekenergo” aksiyadorlik jamiyati ham loyihani moliyalashtirishga o‘z mablag‘larini yo‘naltiradi.
Qurilmaning qurilish ishlari 2019-yilda yakunlanishi kutilmoqda.
Izoh (0)