Shvetsiya rasman 6 soatlik ish kuniga o‘tmoqda. Bu narsa oylik ish haqining hajmiga aslo ta’sir qilmaydi, ayni vaqtda xodimlar ish vaqtini maqbullashtirish uchun a’lo darajadagi yechim bo‘la oladi, deb yozadi AdMe.
Mobil dasturlar ishlab chiqishga ixtisoslashgan Filimundus kompaniyasida ushbu yangilik o‘tgan yili tatbiq etilgan edi. Kompaniya rahbariyatining qayd etishicha, 8 soatlik ish kuni samarali emas, chunki buncha vaqt davomida diqqat va ishchanlikni bir maromda saqlab turish — ko‘pchilik uchun og‘ir vazifa. Shu sababli ham xodimlar tanaffus olishga majbur bo‘ladi va ularning vaqtidan besamar foydalaniladi.
Ma’lum bo‘lishicha, ishchi-xodimlar 6 soat ichida 8 soatlik ish kunida bajarishi mumkin bo‘lganidan kam ish qilmaydi, ayni vaqtda, ularning ish samaradorligi ortadi. Xodimlarda o‘z shaxsiy hayoti uchun ko‘proq vaqt va quvvat qoladi, umuman olganda ular o‘zini yanada baxtiyorroq va omadliroq his qiladi.
Shvetsiyadagi xususiy klinikalarning tibbiyot xodimlari ham yangi ish kuni formatiga o‘tish bo‘yicha birinchi qadamni tashlagan. The Independent nashrining yozishicha, 6 soatlik ish kuni Shvetsiyada bosqichma-bosqich joriy etiladi.
“Biz ham Shvetsiyaga ko‘chib o‘tmay, shunday tashabbusning ijobiy jihatlarini o‘zimizda his qila olsak, a’lo darajadagi ish bo‘lardi”, — deb qo‘shimcha qiladi Rossiyaning AdMe nashri.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)