Germaniya kansleri Angela Merkel Yevroittifoqda Moskvaning Suriyadagi harakatlari tufayli, Rossiyaga nisbatan sanksiyalarni kuchaytirishni yoqlab chiqmoqchi. Bu haqda Germaniya nashri mamlakat hukumat rahbari atrofidagi manbalariga tayanib xabar berdi, deb yozadi “TASS”.
Nashr ta’kidlashicha, sanksiyalar mavzusi 20—21-oktabr kunlari Yevropa kengashi majlisida muhokama qilinadi.
AQSh prezidenti Barak Obama telefon suhbati chog‘ida Merkelni, agar Yevroittifoqqa a’zo mamlakatlar vakillari yangi choralarni kelishib olishga erishsa, “shafqatsiz reaksiya”ni qo‘llab-quvvatlashga ko‘ndirdi. Sanksiyalarni samolyotsozlik hamda mudofaa sanoati bilan bog‘liq sohalarga joriy etish imkoniyati ko‘rib chiqilmoqda, deb yozadi gazeta.
Avvalroq Merkel omma oldidagi chiqishlaridan birida Suriyadagi ba’zi hodisalar “harbiy jinoyatlarga juda yaqin” ekanligini ta’kidlagan va Aleppodagi bombardimonlarni “insoniy bo‘lmagan” deb atagan edi.
Izoh (0)