Polshada marhum prezident Lex Kachinskiyning jasadi eksgumatsiya qilinadi. Bu haqda “Gazeta.ru” xabar bermoqda.
Ushbu jarayonga marhum prezidentning ukasi Yaroslav Kachinskiy ruxsat bergani bildirilmoqda.
“Eksgumatsiya haqidagi qarorga qo‘shilaman. Bu Smolensk yaqinidagi aviahalokat tekshiruvi doirasidagi birinchi eksgumatsiyalardan biri bo‘ladi. Halokat aybdorlari sud oldida javob berishi lozim”, — ta’kidladi Kachinskiy.
Bortida Polsha prezidenti Lex Kachinskiy va mamlakat rahbariyati vakillari bo‘lgan Tu-154 samolyoti 2010-yil 10-aprelda Rossiyaning Smolensk aerodromiga qo‘nish chog‘ida qulagan. Sakkiz nafar ekipaj a’zosi va 88 yo‘lovchining barchasi halok bo‘lgan.
Izoh (0)