Los-Anjelesdagi (AQSh) restoranlardan birida 15-oktabr, shanba kuni ertalab yuz bergan otishmada 3 kishi halok bo‘ldi, 12 kishi jarohatlandi. Bu haqda “RBK” xabar bermoqda.
Mahalliy politsiya serjanti Frenk Presiadoga ko‘ra, hodisa ellikka yaqin mijoz bo‘lgan restoranda yuzaga kelgan mojaro tufayli ro‘y berdi. Uch nafar erkak restorandan chiqib, qurol bilan ortiga qaytdi va bir guruh odamlarga qarata o‘q uzdi. Ular ham, o‘z navbatida, bunga javoban o‘q uza boshladi, natijada mojaro qatnashchilaridan tashqari ayrim mehmonlar ham jabrlandi.
Yaradorlarning barchasi kasalxonalarga yetkazildi. Ular orasida og‘ir holatdagilar ham borligi bildirilmoqda.
Izoh (0)