Hindiston bosh vaziri Narendra Modi BRIKSga a’zo davlatlar yetakchilari uchrashuvida Pokistonni terrorizmni davlat darajasida qo‘llab-quvvatlashda bilvosita aybladi. Bu haqda “TASS” xabar bermoqda.
“Bizning gullab-yashnashimizga eng jiddiy tahdid — terrorchilik. Fojia shundaki, terrorchilikning o‘chog‘i — Hindiston yonida joylashgan davlat”, — dedi bosh vazir Goada bo‘lib o‘tgan sammit doirasidagi yopiq uchrashuvda.
NDTV telekanaliga ko‘ra, Modi garchi to‘g‘ridan-to‘g‘ri mamlakat nomini aytmagan bo‘lsa-da, gap Pokiston haqida ketayotganligi ko‘rinib turibdi.
Eslatib o‘tamiz, oldinroq Hindiston va Pokiston o‘rtasidagi chegara 2018 yil dekabriga qadar to‘laligicha to‘siqlar va boshqa himoya inshootlari bilan ta’minlanishi ma’lum qilingandi.
Izoh (0)