Ҳиндистон бош вазири Нарендра Моди БРИКСга аъзо давлатлар етакчилари учрашувида Покистонни терроризмни давлат даражасида қўллаб-қувватлашда билвосита айблади. Бу ҳақда «ТАСС» хабар бермоқда.
«Бизнинг гуллаб-яшнашимизга энг жиддий таҳдид — террорчилик. Фожиа шундаки, террорчиликнинг ўчоғи — Ҳиндистон ёнида жойлашган давлат», — деди бош вазир Гоада бўлиб ўтган саммит доирасидаги ёпиқ учрашувда.
NDTV телеканалига кўра, Моди гарчи тўғридан-тўғри мамлакат номини айтмаган бўлса-да, гап Покистон ҳақида кетаётганлиги кўриниб турибди.
Эслатиб ўтамиз, олдинроқ Ҳиндистон ва Покистон ўртасидаги чегара 2018 йил декабрига қадар тўлалигича тўсиқлар ва бошқа ҳимоя иншоотлари билан таъминланиши маълум қилинганди.
Изоҳ (0)