IShID terrorchilik guruhi jangarilari Kobuldagi shialar masjidiga uyushtirilgan hujum uchun javobgarlikni o‘z zimmasiga oldi, deya xabar bermoqda “TASS” Reuters’ga tayanib.
Mavjud ma’lumotlarga ko‘ra, politsiya kiyimini kiygan uch nafar qurolli shaxs 11-oktabr, seshanba kuni imom Ali masjidiga bostirib kirib, namozxonlarni o‘qqa tutgan. Hujum qilgan shaxslardan biri portlovchi qurilma o‘rnatilgan kamarni harakatga keltirgan.
Terakt natijasida kamida 18 kishi, shu jumladan to‘rt ayol va ikki yosh bola halok bo‘ldi va 50 dan ziyod kishi yaralandi. Hujum shialarning eng asosiy diniy bayramlaridan biri — Ashur kuni nishonlanayotgan vaqtda amalga oshirilgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)