ИШИД террорчилик гуруҳи жангарилари Кобулдаги шиалар масжидига уюштирилган ҳужум учун жавобгарликни ўз зиммасига олди, дея хабар бермоқда «ТАСС» Reuters’га таяниб.
Мавжуд маълумотларга кўра, полиция кийимини кийган уч нафар қуролли шахс 11 октябрь, сешанба куни имом Али масжидига бостириб кириб, намозхонларни ўққа тутган. Ҳужум қилган шахслардан бири портловчи қурилма ўрнатилган камарни ҳаракатга келтирган.
Теракт натижасида камида 18 киши, шу жумладан тўрт аёл ва икки ёш бола ҳалок бўлди ва 50 дан зиёд киши яраланди. Ҳужум шиаларнинг энг асосий диний байрамларидан бири — Ашур куни нишонланаётган вақтда амалга оширилган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)