AQSh prezidenti Barak Obama Florida shtati tomon yaqinlashayotgan “Mettyu” dovuli tufayli u yerga safarini bekor qildi. Bu haqda Oq uy matbuot kotibi Joshua Ernest ma’lum qildi, deb xabar bermoqda “TASS”.
“AQShga yopirilishi kutilayotgan dovul tufayli Obama Florida shtatiga safarini qoldirishga qaror qildi”, – deya ma’lum qildi Joshua Ernest.
Xabarda ta’kidlanishicha, AQSh rahbari mamlakat prezidentligiga Demokratik partiyasidan nomzod Hillari Klintonni qo‘llab-quvvatlash uchun mitingda ishtirok etishni rejalashtirgandi.
“Mettyu” dovulining Florida shtati sohillariga yaqinlashayotgani sababli po‘rtana xavfi e’lon qilindi.
Ma’lumot uchun, Gaiti orolidagi Gaiti va Dominika Respublikasida “Mettyu” dovuli oqibatida 9 kishi halok bo‘ldi.
Izoh (0)