АҚШ президенти Барак Обама Флорида штати томон яқинлашаётган «Мэттью» довули туфайли у ерга сафарини бекор қилди. Бу ҳақда Оқ уй матбуот котиби Жошуа Эрнест маълум қилди, деб хабар бермоқда «ТАСС».
«АҚШга ёпирилиши кутилаётган довул туфайли Обама Флорида штатига сафарини қолдиришга қарор қилди», – дея маълум қилди Жошуа Эрнест.
Хабарда таъкидланишича, АҚШ раҳбари мамлакат президентлигига Демократик партиясидан номзод Ҳиллари Клинтонни қўллаб-қувватлаш учун митингда иштирок этишни режалаштирганди.
«Мэттью» довулининг Флорида штати соҳилларига яқинлашаётгани сабабли пўртана хавфи эълон қилинди.
Маълумот учун, Гаити оролидаги Гаити ва Доминика Республикасида «Мэттью» довули оқибатида 9 киши ҳалок бўлди.
Изоҳ (0)