Asad Suriyadagi jangarilar bilan muzokaralar amalga oshishi mumkinligini aytdi

Suriyadagi qurolli guruhlar bilan muzokaralar amalga oshishi mumkin va agar bu Suriyadagi qirg‘inni to‘xtatsa, u olib boriladi. Bu haqda Suriya prezidenti Bashar Asad Eron nashriga bergan intervyusida aytib o‘tdi, deb yozadi “RIA Novosti”.

“Qurolni tashlaydigan guruhlar bilan muzokaralar o‘tkazilishi ehtimoli haqidagi savolga ‘ha’ deb javob beraman. Buni biz allaqachon amalga oshirmoqdamiz. Qurolni tashlashga rozi bo‘lgan har bir kishiga to‘liq amnistiya taqdim etdik, xalq manfaatlari yo‘lida, qon to‘kilishini to‘xtatish uchun biz amnistiya berdik”, — dedi prezident.

Intervyu chog‘ida Bashar Asad “Suriyaning AQShga qarshi turishdagi g‘alabasi butun dunyoga AQSh rahbariyati murosaga keltiruvchi sudya emasligini va uni yengish mumkinligini ko‘rsatib beradi”.

Suriya prezidenti ta’kidlashicha, Ikkinchi jahon urushi davrlaridan buyon “AQSh faqat inqirozlarni keltirib chiqarib, mamlakatlarni vayron qilgan, xolos”.