Futbol bo‘yicha Ispaniya La Ligasining 6-turida Madridning “Real” klubi ochko yo‘qotdi. “Las-Palmas” mehmoni bo‘lgan Zinedin Zidan shogirdlari 2:2 hisobida durang o‘ynadi.
“Vilyarreal”ga qarshi 1:1 hisobida yakuniga yetgan o‘yindan keyin Garet Beyl uni almashtirib yuborganlaridan ranjiganini qayd etgandi. Uelslik futbolchi “Las-Palmas”ga qarshi to‘liq harakat qildi, Krishtianu Ronaldu esa 72-daqiqada o‘z o‘rnini boshqa bir futbolchiga bo‘shatib berdi.
Andalusiyaning “Sevilya” klubi La Liga yangi mavsumidagi ilk mag‘lubiyatiga Bilbaoda imzo chekdi. “Atletik” mehmoni bo‘lgan Xoxe Sampaoli jamoasi 1:3 hisobida yengildi.
6-tur uchrashuvlari 25-sentabr kunida ham davom ettiriladi.
Ma’lumot uchun, amaldagi chempion “Barselona” mazkur turni 5:0 hisobidagi g‘alaba bilan yakunlagandi.
Ispaniya La Ligasi 6-tur uchrashuvlari 24-sentabr, shanba
“Atletik” — “Sevilya” 3:1
Gollar: Mikel San-Xose, 26 (1:0). Samir Nasri, 55 (1:1). Mikel Balensiaga, 66 (2:1). Arits Aduris, 90-pen (3:1).Chetlatish: Salvatore Sirigu, 88 (S).“Las-Palmas” — “Real Madrid” 2:2
Gollar: Marko Asensio, 33 (0:1). Tana, 38 (1:1). Karim Benzema, 67 (1:2). Serxio Arauxo, 85 (2:2).25-sentabr, yakshanba“Leganes” — “Valensiya”“Atletiko” — “Deportivo”“Vilyarreal” — “Osasuna”“Espanyol” — “Selta”
26-sentabr, dushanba“Alaves” — “Granada”
Izoh (0)