Bangladesh poytaxti Dakka shamolidagi Tempako fabrikasida yuz bergan yong‘in qurbonlari soni 31 kishiga yetdi. Bu haqda 12-sentabr, dushanba kuni mamlakat ichki ishlar vaziri Asaduzzamon Xon ma’lum qildi, deya xabar beradi “TASS”.
“Ertalab yana ikki jasad topildi, vayronalar ostida ham qurbonlar bo‘lishi mumkin. Biz 70 foizi vayron bo‘lgan binoning qoldiqlarini ham buzib tashlashni o‘ylayapmiz. Bu yerdagi yong‘in 36 soat davom etdi, alangani qiyinchilik bilan o‘chirishga muvaffaq bo‘lindi. Ayrim o‘t ichida qolgan konstruksiyalar istalgan payt qulab tushishi mumkin”, — deya ta’kidladi Asaduzzamon Xon.
Vazirga ko‘ra, sakkiz kishi, jumladan, korxona egasiga nisbatan jinoiy ish ochildi. Taxminlarga ko‘ra, falokatga xavfsizlik texnikasiga rioya etmaslik sabab bo‘lgan.
Eslatib o‘tamiz, oldinroq mazkur hodisa oqibatida qurbon bo‘lganlar 26 kishiga yetgani bildirilgandi.
Izoh (0)