Amazon асосчиси ва раҳбари, шунингдек, Blue Origin компанияси раҳбари Жефф Безос New Glenn деб номланган янги ракета лойиҳаси ҳақида эълон қилди, деб ёзади «Газета.ru».
Қайтиб келувчи ва кўп марта фойдаланиш мумкин бўлган оғир ракета SpaceX компаниясининг Falcon сериясидаги ракеталарига ва бошқа аналогларга рақобатчилик қилиши кутилмоқда.
«New Glenn коинотга тижорий сунъий йўлдошларни учириш ва экипаж жўнатиш учун ишлаб чиқилган», — деди Безос.
Аниқлик киритилишича, Blue Origin ракетанинг икки хил версиясини ишлаб чиқмоқда. Компания, шунингдек, старт майдони ва синов полигонини ҳам қурмоқда. Буларнинг бари Канаверал бурнида барпо этилади, Жон Кеннеди номидаги Космик марказда эса ракета элтувчиларни ишлаб чиқарувчи завод пайдо бўлади.
Изоҳ (0)