Futbol bo‘yicha Angliya Premyer-Ligasining 4-tur bellashuvlari Manchester shahri derbisi bilan start olib, “Yunayted” va “Siti” “Old Trafford” stadionida to‘qnash keldi.
Serxio Aguerosiz harakat qilgan “Manchester Siti” 36-daqiqaga qadar ikki bor muvaffaqiyat qozondi. Maydonda harakat qilayotgan mehmonlarning eng kichik futbolchisi Kelechi Ixeanacho 15-daqiqada De Bryuynening goliga assistentlik qildi. Oradan 20 daqiqa o‘tib esa o‘zi gol urdi.
“Shaharliklar”ning ikkita goliga mezbonlardan Zlatan Ibrahimovich bir bor javob qaytardi.
4 ta bellashuvda 4 ta g‘alabaga erishgan Xosep Gvardiola boshchiligidagi “Manchester Siti” turnir jadvalida 1-o‘ringa ko‘tarilib oldi. “Yunayted” bilan ish boshlaganidan keyin ketma-ket to‘rt rasmiy o‘yini o‘z foydasiga hal qilgan yagona mutaxassis Joze Mourinyo esa birinchi mag‘lubiyatini qabul qilib oldi.
Angliya Premyer-Ligasi 4-tur uchrashuvi 10-sentabr, shanba
“Manchester Yunayted” — “Manchester Siti” 1:2
Gollar: Kevin De Bryuyne, 15 (0:1). Kelechi Ixeanacho, 36 (0:2). Zlatan Ibrahimovich, 42 (1:2).“Manchester Yunayted”: David De Xea, Erik Bayi, Deyli Blind, Antonio Valensiya, Lyuk Shou (Antoni Marsyal, 81), Maruan Fellayni, Pol Pogba, Genrix Mxitaryan (Ander Errera, 46), Ueyn Runi, Jessi Lingard (Markus Reshford, 46), Zlatan Ibrahimovich.
“Manchester Siti”: Klaudio Bravo, Bakari Sanya, Nikolas Otamendi, Jon Stouns, Aleksandar Kolarov, Fernandino, Kevin De Bryuyne (Pablo Sabaleta, 90), David Silva, Rahim Sterling (Leroy Sane, 60), Nolito, Kelechi Ixeanacho (Fernando, 53).
“Arsenal” — “Sautgempton”“Byornli” — “Xall Siti”“Bornmut” — “Vest Bromvich”“Vest Hem” — “Uotford”“Midlsbro” — “Kristal Pelas”“Stok Siti” — “Tottenhem”“Liverpul” — “Lester”
11-sentabr, yakshanba“Suonsi” — “Chelsi”
12-sentabr, dushanba“Sanderlend” — “Everton”
Izoh (0)